【後生仔傾吓偈】馮盈盈最難接受男仔着短褲加leggings：唔知做乜

無綫綜藝節目《後生仔傾吓偈》昨晚那集繼續討論女生無法接受同理解的男生造型，馮盈盈 (Crystal) 就講出了不少女生的心聲。Crystal表示自己最看不順眼的男生打扮，就是短褲襯Leggings，她說：「我唔鍾意男仔着短褲加leggings，短褲加leggings咪就係啲人話我哋女仔着短褲加黑絲，唔知做乜囉。」

Crystal又代呢集無份出場的另一主持麥明詩 (Louisa) 發聲，講出Louisa最難接受的男生衣着，仲大爆Louisa因為咁樣而拒絕了一個男仔的追求。Crystal說：「Louisa最憎男仔將件Polo恤嘅衣領翻起，佢以前同一個男仔約會，對方咁樣着，佢就好坦白咁同對方講佢最憎男仔着Polo恤翻領，個男仔『哦』，點知到佢哋第二次約會時個男仔依然係咁着，自此Louisa就無再見過個男仔。」

一齊重溫下呢集嘅片段。