陳小春自爆童年家貧食唔飽　曾遭父用鐵鍊鎖腳

近年經常北上密密賺人仔嘅陳小春，有指佢同仔仔Jasper以1200萬酬勞接下《爸爸去哪兒5》，之後又以夫婦檔拍攝《妻子的浪漫旅行》，有指酬勞高達4000多萬，真係賺到笑。

近日，「陳小春後悔賣走弟弟」突然成了微博熱搜，並回帶小春去年在《爸爸去哪兒５》的片段，小春於節目中，有感而發提到自己童年時，因屋企經濟環境困苦，他自小就要落田、放牛、插秧，亦要幫忙照顧弟妹，父親為怕佢走出去玩，更會用鐵鍊將佢鎖住。由於屋企太窮，小春唔想細佬捱苦，於是向父親提議「不如把弟弟送人吧！」事後雖然遭父母打一餐，但估唔到小春父母最後竟以3000人仔賣走細佬。小春在節目中指呢件事，成了他「心裡的一塊傷，永遠好不了」，更指如今事業有成，雖然曾打算搵返細佬，但陳爸爸就認為養恩比生恩更重要，再加上怕媒體會就此事炒作，影響雙方家人生活，故反對尋親一事。