【跳躍生命線】完美奸人鄭子誠：今次呢套劇完全冇陰謀

「音樂情人」鄭子誠近日在劇集《跳躍生命線》的結尾用充滿磁性的聲音深情演繹獨白被網民大讚，更被封為「救護情人」，子誠謙虛表示：「最尾個ending點解令大家好驚喜就係可以將成套劇帶出嚟嘅感覺綜合咗佢，然後畀大家反省嘅機會，而家其實好需要呢樣嘢，有發人深省嘅說話令到佢哋『嗒落都有味』，有種回甘嘅味道令套劇更加成功。」

雖然子誠的聲音出名好聽，但經常飾演奸到出汁的奸角的他實在太深入民心，更被人質疑他一定另有陰謀：「大家畀個機會我改過自新啦，今次呢套劇係完全正氣嘅，係無任何陰謀存在嘅！」他指其實都有努力去洗底，例如公司都有給他一些正氣點的角色，但仍被認為是奸人，更有人問：「點解你仲未死？」他滿頭問號：「點解我要死？」

多年來出演過很多奸角，哪個角色的奸人形象跟隨他最久？他毫無考慮說：「都而家都仲講緊《真情》，雖然都已經20幾年，李子浩當年可能太過入屋啦，到而家都仍然係好難去洗底。」他說他一定會繼續努力扭轉大家對他的看法。他是奸是忠，鄭子誠說原來有貼士去分辨：「做奸角嘅時候我所講嘅係劇本嘅說話，但係做電台，我係出自真心！如果你覺得我把聲好聽嘅話，嗰個就係來自我嘅，但係如果你覺得我係奸嘅話，就係劇本入面寫嘅嘢，我只係跟住佢演繹啫！」