10位落選港姐變無綫親生女 　「黑面神」工藤佑采有冇機會入TVB？

伍樂怡（Kelly）去年參選港姐，雖然最後三甲不入，但就深受網民歡迎，無綫極速將伍樂怡簽為親生女，並安排佢入讀藝員訓練班，兩兩一年多時間，伍樂怡先後主持《3日2夜》、《安樂蝸》、《今期流行》等節目。眼見近年花旦大量流失，無綫近日又吸納了一班落選港姐做親生女，當中包括陳靜堯、庄嘉慧、陳苑澄、何泳芍、梁致欣、李明芙、李芷晴、杜愛恩、丁子田、 鄧美欣、黃子桐，而於無綫的網頁「經理人合約藝員」部分，亦更新了以上十人的資料。之不過，同樣係落選、有黑面港姐之稱的中日混血兒工藤佑采就似乎未有緣做親生女。

工藤佑采由參選港姐到落選後，都「得罪人多，稱呼人少」，就連港姐監製何小慧曾開口批評佢態度有問題，但工藤佑采就似乎無有怕，更以「唔要你都唔畀生路你行」還擊。之後，更為工藤佑采又因為馮盈盈於《後生仔傾吓偈》的言論而暗寸莊思明cheap。觀乎工藤佑采的行為，大台唔搵佢親生女都正常嘅。之不過，有網民認為簽約無綫都未必一定係好事，因為大台向來出手低，過往有傳唔少落選港姐因而拒做親生女。