【理想國】吳海昕化身AI美女色誘駱振偉 「幻想到嘅都會發生」

撰文:吳子生
出版:更新:
ViuTv劇集《理想國》,今日(20/10)在香港仔舉行開鏡拜神儀式,一眾演員吳綺莉、林祖輝、吳海昕(Sofiee)、駱振偉等人出席為宣傳造勢。吳海昕在劇中飾演一名虛擬人物,與駱振偉有多場激烈牀上戲。「劇中有一副高科技眼鏡,載上之後,望住所有人嘅時候,都會呈現我個樣,呢套劇對我嚟講都好大膽,因為講科幻嘢,所以會有好多幻想空間,咁當一個男仔好迷戀一個女仔嘅時候,就會有唔同嘅幻想,劇中駱振偉因為迷戀我想同我拍拖,所以揾咗麥芷誼當成系我,並且有接吻及牀上戲。」

Sofiee港姐出身,在ViuTv劇集《賤民20》有癲喪演出,令觀眾眼前一就,演技備受關注。「近來工作系比較忙啲,手頭上有4部ViuTV劇集要拍,戲份愈來愈重,又會做女主角,明年又會準備出歌,向樂壇方面發展,希望到時大家會鐘意。」