【多圖】李天縱改名李松蔓重新出發　網上勁貼靚相大肆慶祝？

李松蔓（Lena、前名李天縱）昨晚（18日）在社交網站一口氣連發18張照片，而且每張相都非常養眼，全因為以貼身內衣上陣！網友睇完固然忍不住留意「畀Like」，亦好想知道這輯相在哪裏拍照、操刀者是何人。李松蔓接受《香港01》訪問時便指這輯相在北京旅行時拍攝，而攝影師是媽媽：「佢學緊點樣打光，我想培養佢影相嘅興趣，咁樣旅行時就會影到好多靚相，但佢覺得專業相機好重，所以比較鍾意用電話影，佢話佢會繼續努力喎！」她又指自己仍然身在北京，不久之前去了浸溫泉，但沒有透露老公是否同行。

改名李松蔓　因為本名「太大」

提到李松蔓最近積極Keep Fit，是否完全為了影這輯靚相？她答謂：「唔係啦！係嚟緊拍嘅《黃金有罪》要Fit啲，所以我都想狀態好啲。（要性感？）唔使好性感，但瘦咗會上鏡啲，其實我體質都好易肥，一直最瘦時都係50公斤左右，所以呢次好想試下減到40公斤會點。（而家幾多公斤？）而家51，前排肥咗去到55公斤！（要減到40好難？）非常難，所以好想挑戰自己，當畀個自己一個好身材禮物。」除了夜跑，她為減肥亦盡量每日上三堂瑜伽班：「食嘅嘢都好注意，食完中午飯就唔再食嘢，去到第二朝已再食早餐，我食早餐好早，大概朝早6點半。」問其實幾時由「李天縱」改名為「李松蔓」，她坦言一個月前已經改名：「想改改運，本身個名太大，又係屬火，我又太多火，而新名屬金，對我發展會好啲。」

點擊下圖李松蔓私人醒靚相：