離奇妙回巢無綫即飛米蘭 前有線主播尤蔭蔭唔覺反骨：人之常情！
撰文：秦志鴻
出版：更新：
奇妙電視最近改名做「香港開電視」，為香港電視界灌入新衝擊，一眾電視迷都希望它會有新發展！而另一邊廂，前有線（奇妙）主播尤蔭蔭亦有新動向，曾於2012年參加過香港小姐競選的她，最近再次投入無綫的懷抱，她說：「其實今次我加入無綫係好興奮同期待，因為我算係第二次入TVB，好多謝監製再畀機會我入返嚟，今次入返嚟覺得自己成熟咗好多。」
奇妙電視易名網民嫌老土 營運總裁：改名「開電視」唔係唔經大腦
一開工即代表無綫飛米蘭參與時裝周
蔭蔭加入無綫後即肩負起到米蘭時裝周的重任，除了能夠穿華衣美服參與其中之外，更有機會到當地採訪蔡依林和鄧麗欣，蔭蔭自己都受寵若驚：「我真係無諗過一入返嚟就可以去時裝周，無諗過一入嚟就可以去做一個咁大型嘅騷，仲要係飛去米蘭咁遠，因為講緊之前喺有線，做咗咁耐我都無出過埠。雖然今次係有少少壓力嘅，但都好開心監製肯信任我。」
由有線轉投無綫：「係人之常情。」
但其實蔭蔭離開有線至加入無綫之間才只有短短數月，加上奇妙電視近年正值艱難時期，近日又改名「開電視」從新出發，現她又與舊東家倒戈相向，問蔭蔭會否怕被指反骨？她說：「工作呢啲，搵到更加好嘅地方就會去，所以都無話啲咩反唔反骨，我對於而家喺無綫有更加大嘅嘗試同挑戰，我覺得其實係人之常情。」
有線主播嚴崇天作多棲發展 搭前港姐尤蔭蔭開口才訓練班奇妙電視易名網民嫌老土 營運總裁：改名「開電視」唔係唔經大腦奇妙電視開台年半易名 創作總監王喜網上透露玄機「公關王」曾醒明加盟有線 奇妙電視易名後將有超勁宣傳攻勢？