【多圖】阿嬌全家送別家傭　21歲細妹疑似曝光？

人妻鍾欣潼 (阿嬌) 自從於今年5月嫁給了老公賴弘國 (Michael)，自然就要盡妻子的責任照顧老公同家庭，不過阿嬌工作咁忙，相信都有聘請家傭姐姐幫手，打理下家頭細務。而阿嬌的娘家本身亦有請家傭姐姐，對方更可說是睇住阿嬌長大，因為她的家傭姐姐已照顧了她逾20年。她之前同老公參加內地真人騷《爸媽學前班》時，都有提起呢位阿姨。

呢日阿嬌就特地為了家傭姐姐於ig出post，因為對方要退休返回菲律賓了，令阿嬌非常之不捨。她貼上一張連埋家傭姐姐在內的全家福，並留言表示：「想喊~~Estella要退休返菲律賓喇，好唔捨得！」足見阿嬌同對方有幾咁好感情，就連她的好閨蜜蔡卓妍 (阿Sa) 都留言話﹕「Tell her I will miss her very much too la.」另一張相就是阿嬌同家傭姐姐講話：「See you in December」唔知對方到時是否返港參加阿嬌補擺的婚宴呢。有網民問阿嬌點解唔叫對方留低，阿嬌回應表示：「還返個人生畀佢。」愛果然不是佔有呀！

而張全家福相中除了有阿嬌、阿嬌媽咪以及家備姐姐外，還有另一名靚女，五官輪廓相當標緻，仲同阿嬌有幾分相似。有網民就問﹕「右面是嬌妹嗎？last time I saw her picture she was only a baby!」估相中呢位靚女就是阿嬌同母異父的妹妹，現年21歲的鍾芝茵。不是阿嬌向來都好保護妹妹，無咩公開過妹妹個樣，阿嬌的經理人Mani就透露相中人其實是阿嬌的表姐。

一齊睇下阿嬌靚啲定係佢表姐靚啲吖。