Dear Jane明年殺入紅館　Tim考慮帶埋愛女上台

Dear Jane年初改變音樂風格，並先後推出《深化危機》以及《寧願當初不相見》，前晚佢哋舉行「相見‧不相見 音樂會」，現場氣氛高漲，Dear Jane乘勢宣佈將於明年3月16日將首次進軍紅館舉行演唱會，全場觀眾即時起哄並不願離場，大叫encore，最後Dear Jane再度出場和全場大合唱《遠征》，主音Tim更走到台下與觀眾近距離表演，歌迷相當興奮。

成軍15年，終於擁有紅館舞台，Howie於訪問時表示忍得好辛苦：「申請咗好幾年，今次中標有少少覺得終於輪到我哋嘅心情，所以係超級開心。」他又笑言曾要求於演出時，加插噴火特效以及女Model，但沒有一次成事。Tim表示下星期將與導演開會傾細節，並希望與過往的演唱會有所不同，他們又指目前預計開一場，但如果賣得好或許會再加多一場。