胡杏兒恨再生B　同老公不設防：仔女都冇問題

胡杏兒今日（16/10）出席一時裝品牌活動。無綫《50+1台慶》亮燈儀式昨晚舉行，杏兒在TVb奮鬥十多年，可以話飲住TVb奶大，並在2011年萬千星輝頒獎典禮勇奪視后寶座 。「我近年睇TVb啲劇集，覺得同以前唔一樣，啲畫面同故事都好唔同好有質數，如果有機會我都好想返去拍吓劇，因為Tvb係我娘家嚟，啱時機我一定會返去嘅，因為我好想把握時間生多個，再等我又唔知自己生唔生得出嘛，仔女都冇問題，小朋友真係好得意，感覺好幸福嘅。」

杏兒透露Tvb都有聯絡她回巢拍劇，但明白拍劇需要全心全意，把精神放在拍劇上：「好似我見到啲姐妹咁，佢哋拍劇追更拍得好辛苦，如果做女主角的話，要預咗3個月冇假放，又唔可以同TVb講話可唔可以唔拍咁長時間，所有人都係咁拍，又唔可以叫人咁去就我。」（民網推舉王浩信、黎耀祥、陳豪及馬德鐘視帝之爭，睇好邊個？）「好難揀，陳豪、黎耀祥攞咗咁多屆，王浩信上年又攞咗，咁馬德鐘攞啦，哈哈。」