【跳躍生命線】學員上解剖堂唔易捱　現役救護員憶述十級震撼經歷

由馬德鐘、何廣沛以及張彥博等主演的無綫劇集《跳躍生命線》啟播一個星期有多，以救護員為主題，極富新鮮感。昨晚第六集講到何廣沛、張彥博等一眾救護學員突然被調堂到殮房上人體解剖課，同學們都非常緊張，當負責解剖的醫生開始利用手術刀在屍體上切開皮肉時，張彥博更一度嚇得後退幾步再閉上眼睛！

初歷人體解部，震撼眼、嗅、聽覺！

可能會有觀眾認為：「唓，解剖死屍咋嘛！大驚小怪，有啲人日日都劏架啦」！而事實，的確如此，不過對大部分從來未接觸過真正屍體的救護學員來說，要親眼目擊人體解剖，又確實震撼！一位現役救護員向《香港01》分享該堂的過程，形容有如看現場版的《恐懼鬥室》：「好記得隔住個口罩都聞到有陣怪味，類似係雪房焗住嘅味道……」

直擊開腦，鋸骨聲永生難忘

雖然所有學員都知道自己面對的是一名死者的遺體，但要直擊醫生將皮肉割開，確實令他們印象深刻：「佢一路解，一路攞啲內臟出嚟，又會講解吓個胃呀、肺呀、心臟呀咁，同劇入面都好似，然後佢會將啲內臟切片，又會拎去磅。但最難忘唔係呢樣，係開腦嗰吓，見到佢𠝹開個頭皮，跟住拎把鋸出嚟鋸，嗰啲骨頭同鋸齒磨擦嘅聲音真係永世難忘。之後仲有用電鑽。」但自從他畢業正識面對過真實場面後，坦言那只是小兒科。

正如鄭子誠（劇中飾刑Sir、外號黑摩利）所講：「無常，就係救護員嘅日常！」事實上救護員的工作就是在事件發生之後，第一時間趕往現場為傷者急救，無論是頭暈身㷫，還是傷人謀殺，血肉橫飛的畫面總會出現在每一個救護員的生命當中。《跳》劇播出後惹來不少討論，而正評亦佔大多數，即使現役救護員亦大讚內容貼地。記得劇中經常出現一句說話「我哋做救護，係想幫病人買時間，等佢有機會可以捱到去醫院」，雖然真實救援員都認為對白老土，不過又非常真實，而事實上，真正的救援員要面對的即時情況，並非學堂能夠學到。而劇中何廣沛、張彥博以及郭子豪等亦即將從學堂畢業正式投身救護工作，何廣沛的衝動個性，亦正為他救援生涯的挫敗而鋪路。

昨晚《跳》劇播出時間正值晚飯時段，所以劇中的解剖畫面亦不多：