鄺潔楹伍樂怡未打算結婚　Judy：沉迷拍拖就唔應該繼續做呢行

《3日2夜》間接捧紅不少TVB花旦，其中鄺潔盈（Judy）、伍樂怡（Kelly Ng）主持的集數收視肯定是頭幾位，不少網友應該是一邊睇一邊幻想自己與她們一起旅行。昨晚2位女神出席陳展鵬與單文柔的新婚派對，除了Kelly之外，有不少出席的花旦也是香港小姐競選出身，馮盈盈、麥明詩、蘇韻芝、黃心穎均有到場祝賀陳展鵬與單文柔一對新人。

鄺潔盈（Judy）與伍樂怡（Kelly Ng）接受《香港01》訪問時被問到帶了甚麼賀禮。Kelly故作神秘的説：「我哋夾份喺Think Big嗰度買咗一份禮物，講唔講好呢？（咩類型？）好有用嘅，家居用品。」Judy說笑：「有冇多啲吖？好行吖。」伍樂怡：「可以清潔嘅，畀到一個窩心的家佢哋。」相信答案已經呼之欲出，吸塵機。這時候Judy和Kelly笑而不語。

說到結婚話題，Kelly說：「我又唔係好急住結婚。」Judy即時取笑Kelly：「佢冷血㗎，哈哈。」Kelly就解釋說：「因為要遇到一個真命天子吖嘛。」Judy續說：「其實我哋諗嘢都幾相似，因為知道事業都啱啱起步。（好老土⋯）好老土但係真嘅，咁唔通答你『宜家我非常之沉迷拍拖咩』。我覺得沉迷拍拖，就唔應該繼續做呢行囉。」