【女皇撞到正】不為官司困擾　周秀娜望與公司能私下解決

電影《女皇撞到正》昨日（15日）舉行首映禮，主演的周秀娜（Chrissie）、張繼聰，以及一眾演員均有出席。Chrissie在首映禮上更獲得加冕價值200萬的后冠，十足女皇一樣：「我覺得好似香港小姐加冕咁啊！細個嗰啲幻想終於都實現到啦。」阿聰說Chrissie搶盡風頭：「佢係冠軍，我係保安，我喺度保護緊佢！」

Chrissie早前入稟法院控告合作近10年的前經理人公司GME拖欠300多萬薪金，昨日首度開腔回應事件：「而家仲處理緊，件事嘅發展需要去到呢個解決方法，我自己絕對唔想嘅，希望可以盡快解決。」被問到與前經理人Roy還有沒有無聯絡，Chrissie沒有直接回應，但就表示：「都會，希望嚟緊可以搵一個好好嘅溝通方式，希望大家可以好好坐低咁傾啦。」她更強調一段合作關係最重要就是講求信任，暗示了與舊公司關係破裂的最大原因就是雙方已經失去信任。被問到工作有沒有受影響，她回道：「工作暫時無影響，都係keep住正常。」