【女皇撞到正】張繼聰自稱搞笑是人生任務　周秀娜大呼：好驚啊！

電影《女皇撞到正》昨日（15日）舉行首映禮，主演的周秀娜（Chrissie）、張繼聰，以及一眾演員均有出席。在訪問中Chrissie大讚阿聰是搞笑高手，戲中大部分搞怪戲份都在他身上。

如此扮鬼扮馬阿聰是因為經常湊小朋友？他搞笑回道：「可能我嚟到呢個地球嘅任務就係要扮鬼扮馬啦！」Chrissie更爆料試過在拍攝時被阿聰「整蠱」：「有一場我哋喺後巷，因為有好大煙，佢知我驚咩嘅（鬼），佢特登嚇我，本身我喺佢後面我都要扯佢去前面，好驚啊！」阿聰說：「嗰陣拍通宵拍到好夜，佢嗰啲尖叫聲嗌到成場都醒晒！」

阿聰在戲中扮葛民輝的聲音扮得維肖維妙，阿聰如何學習扮聲技巧？他稱其實自己曾經有很長的卡通片及電影配音經歷，對不同人說話的聲音及節奏甚有研究，所以對扮演別人說話時都會有幫助。