【嫁到這世界邊端2】港女嫁土耳其做闊太　一夜情都可以有真愛

一夜到永遠？這不是戲名，而是確確實實發生在TVB真人騷《嫁到這世界邊端2》第四位登場的港女Ceci身上。在2003年世界杯土耳其勇奪季軍的晚上，Ceci在酒吧與她的土耳其老公Serdar邂逅。二人從一夜情緣，發展到此生不離不棄的愛情。

回想起與土耳其老公的相遇，Ceci亦覺得很神奇，她在節目中透露：「喺Club度識，跳吓跳吓，大家越跳越埋，開始Kiss，嗰一刻感覺全世界停晒，好似個鐘停咗，全部嘢360度喺度轉緊，佢就話Shall we go？我就答Where do you live？如果太遠就唔好，佢話紅磡，咁中環去紅磡都好近啫，就開始咗啦。」Ceci本以為「一夜情」後，大家睡醒後就各走各路，但她想不到Serdar竟想繼續這段關係，Ceci稱：「通常呢啲情況都係去完屋企就走，但第二朝大家傾計，傾啲好深入嘅問題，佢仲問我今晚睇唔睇波，仲話買咗支牙刷俾我，之後我就話OK，我即刻嚟。」主持問道：「哇，真係一夜情可以一生一世？」Ceci笑着點頭。

一個月後，Ceci主動問對方會否娶自己：「當時我仲佢係咪會娶我，佢話諗緊，嗰陣我幾嬲呀！」不久後，Serdar就向Ceci求婚。身為誇國企業的總經理的Serdar，亦風光迎娶Ceci，在土耳其大排筵席，婚禮舉行整整三日三夜。Ceci亦辭去工作，跟隨老公去上海發展，過着奢華的闊太生活。「周圍去我都係坐商務，一上機我係向右邊轉，我望住左邊的經濟客位，當時我好開心即刻攬住佢，我話我終於唔洗逼啦！當時覺得好幸福，完全唔洗憂慮生活，想買乜嘢買乜嘢。當時屋企燈油火蠟幾多錢，唔知，因為根本唔洗理。當時同個女出街，淨係俾個女買一個玩具已經覺得自己好叻，係成功媽媽。」Ceci興奮說道。

但峰迴路轉，兩夫妻生活由天堂跌落地獄。Serdar當時辭去高薪厚職，與Ceci在內地開了一間高級送禮專門店。剛開始生意不錯，他們亦坐擁數間分店。但因為內地一場打貪風暴，奢侈品市場一夜淪陷，兩夫妻更忽然山窮水盡，成為問朋友借錢過生活的可憐蟲。最後公司清盤，Ceci更把所有金器變賣還債。

回到土耳其投靠奶奶生活後，Serdar曾一年多都找不到工作，全家無收入，Ceci透露：「試過想買麵包，全屋一齊搵睇邊度有散紙。」經歷這些事後，Ceci內心雖然很痛苦，但她亦不時硬着頭皮鼓勵老公：「見到老公就笑住話，得㗎啦！唔洗擔心，我無嘢喎。原來我要嘅係一家四口安全已經好滿足。」Ceci亦稱經歷這些事後，更懂得感恩，坦言自己得到比失去更多。