【全民造星】評判周慧敏集集追：香港首個咁成功嘅真人騷

ViuTV選秀真人騷《全民造星》昨晚（14日）在九龍灣展貿中心舉行總決賽，經過一番龍爭虎鬥，最後由賽前大熱姜濤贏得冠軍，獨得100萬獎金，而亞軍和季軍分別由Ian和Lokman獲得。

評判之一的周慧敏接受《香港01》訪問時坦言自己集集《全民造星》都有收睇：「其實一開始係捧花姐場，花姐係我好朋友，睇報道知佢好出位，參賽者未紅就已經爆出，但睇睇下就真係覺得個節目好睇，剪接好好，香港係第一次有咁成功嘅真人騷。」她又指一班參賽者的熱血令她非常感動，使其表演熱情重新燃起：「我去到個階段，已經冇以前咁大動力，每做一個大騷都要花好多時間去考慮先應承，睇到佢哋為理想奮鬥，都好鼓勵到我。」事後，她亦在社交平台中大讚冠軍人馬姜濤實至名歸，不但瀟灑、自信，更有自我風格：「香港很久沒有見過有這種光芒的Star！」

另一位評判劉偉強亦指總決賽好睇：「至少我唔眼瞓，我平時九點幾瞓！呢個節目帶畀我哋台前幕後一班新血，仲要有一定水準。（證明香港演藝界唔係青黃不接？）唔係呢個問題，係冇咩空間畀新人表現啫。」