【開心速遞】Terry迎娶拍拖十多年女友 最愛對方唔大使又肯捱
撰文：張嘉敏
出版：更新：
娛圈又有喜事喇，於無綫處境劇《愛．回家之開心速遞》中飾演Terry一角的李偉健今日（14日） 與拍拖十多年的圈外女友Bo結束愛情長跑，舉行婚禮；早上有傳統接新娘以及斟茶儀式，晚上就有婚宴宴請一眾親朋好友分享喜悅。兄弟團包括李霖恩，還有主演《開心速遞》的周嘉洛、馬貫東以及阮政峰。其實一對新人已於今年3月在日本註冊結婚，不過卻沒有法律效力，要在香港再註冊才能正式成為合法夫妻。偉健說：「喺日本註冊只係象徵式，今晚都未註冊，因為我忙到冇時間，交唔切文件去排期，預計11月左右先可以註冊。」
更多接新娘靚相：
+14
新郎哥偉健的心情當然是好開心，又有少少緊張，問到他最愛太太甚麼，他說：「佢好好呀，唔大使啦，又會煮嘢畀我食，就算佢本身唔識煮嘢食，都會上網搵食譜嚟自學，喺我心目中梗係滿分啦。好多謝佢，肯陪我捱窮，我窮咗咁多年，佢都一直陪喺我身邊，對我不離不棄，支持我，真係好好。」他又笑言縱然好愛對方，但兩人也會有嗌交的時候：「淨係結婚都嗌唔少啦。」他又透露兩人的財政於好多年前已經融埋一齊，沒有財政獨立，無分彼此。
雖然結婚了，但偉健和太太並未開始一起居住，因為兩人的愛巢要進行大裝修，他說：「間屋好舊要重新裝修，可能要一、兩個月後先搞掂，我哋考慮緊租酒店住。」至於生B計劃，他就話同太太都唔太敢生：「驚教得唔好，好大責任，有保留，呢一、兩年應該唔會生住。」而當晚出席婚宴到賀的當然有一班《開心速遞》的演員啦，包括林淑敏、歐瑞偉以及許家傑等。
+5
【開心速遞】Terry結婚KC衷心送上祝福：我哋唔係hehe嚟㗎！