【仇老爺爺】游學修大戰盧海鵬　片場「粗口」橫飛？

游學修昨日（11日）出席ViuTv 2019節目發佈會，發佈會中有一套電視劇《仇老爺爺》是由他自編自導自演，阿修坦言這次是有很多人幫助：「有盧海鵬助陣，有好多事都由佢帶領，係開心，加上叫做第一次嘗試，暫時希望出嚟係好睇。」阿修也簡單介紹在劇中與盧海鵬是爺孫關係，但是本身不認識的，劇中鵬哥是非常麻煩的人。

問到他與鵬哥合作，會不會忍唔到笑？「我形容佢為《Star Wars》中嘅尤達大師，佢唔埋位唔出聲，行得好慢，係到自己背稿，但一入戲佢就成個人彈來彈去，好似尤達大師，儲蓄能量再爆發。」

鵬哥說「粗口」也是他的特色之一，在片場中會否常常說「粗口」？阿修直言：「鬧兩句點都要，個個都鬧，但有時候我會叫佢唔可以咁樣，其實戲中我鬧佢多，但戲外佢就成日鬧我，因為我哋新人，指教我都要。」