鄧麗欣時裝展遺失手機：大家密切留意吓網上見唔見到我啲相

鄧麗欣Stephy今日（11日）出席慈善活動，近日在台北開了台式健康飲品店，她透露花了7位數字投資，Stephy以後會經常在店裡幫忙？她稱：「做老闆梗係要指揮大家去做嘢㗎嘛！唔需要成日喺嗰度嘅。」特意選在台灣開店，難免會令人猜想是不是為了能與男友王子（邱勝翔）有更多時間相處？「要過去（台灣）唔一定要開間舖頭先過嘅，唔需要任何藉口嘅，只係咁啱啫。台北大家都知飲品好興旺，不過香港我都希望開到舖。」

下星期一（15日）就是Stephy的生日，在星期日就要飛到台灣為自己飲品店主持開幕禮，是不是都會順道在台灣與王子慶祝生日？「係啊，真係順便啊。其實每年生日都差唔多，一齊食餐飯已經好滿足。」第一年與王子一起過生日，有沒有什麼特別的事做？「開幕都幾特別㗎啦，第一次喺外地做生意嘛！日前在出席時裝展時不見了電話，會否擔心電話中與男友的親密照片會流出？Stephy呼籲大家：「大家密切留意吓網上見唔見到我啲相囉，見到嘅話早啲話我知。」