【殺手】高海寧捱通宵拍足24小時：成塊面生滿粒粒
撰文：吳子生
出版：更新：
高海寧今日（11/10）化身成黃色快餐車美女現身北角出席活動。高Ling近日忙拍無綫劇集《殺手》，在戲中飾演一名廟祝，染有一頭灰髮，更要穿著性感露腰派福利，視迷大飽眼福。「雖然我喺套裡面我係做廟祝幫人解籤，但我有令一個身分喺負責幫殺手清理現場，將啲內臟血跡，所有相關嘅嘢都清理得一乾二淨，呢個角色都幾得意又好玩，同時導演要求我著露腰衫，咁所以我要修身，唔可以俾自己肥，用最靚嘅線條展現俾大家。」
早前高Ling拍攝無綫新劇《殺手》，直踩24小時，引致臉上皮膚敏感生滿粒粒。「因為我唔夠訓，我連續拍咗幾日外景，天氣又曬啦，再加上有晚拍通宵再緊接06開工，拍完嗰幾日塊面覺得好痕好乾，然後出到成塊面都係粒粒，個陣時好驚呀，好在屋企有好多保濕嘅護膚品，連續搽咗3日啲皮膚好返晒呢排轉天氣，都要注重保濕。」