吳耀漢為仔仔吳嘉龍抱不平　寸未來親家拜金：佢哋等緊我個仔發達

吳嘉龍 (Carl) 入行演藝界多年可惜星運平平，事業發展無咩起色，收入方面自然也不會賺得多。現年42歲的他早已到了適婚年齡，不過卻因為無車無樓而被女友家長嫌棄。Carl早前接受訪問時透露過有意跟拍拖5年的馬來西亞籍女友結婚，惟他之後才醒覺結婚是兩個家庭的事，故需要多些時間去溝通和籌備，他說：「慢慢嚟啦，或者出年囉。」並未有交代箇中原委。

而Carl的78歲父親吳耀漢日前參與電影拍攝工作，被問到仔仔Carl的婚事時，他即大爆仔仔原來是遭到女友家長嫌棄無車無樓又無錢，嫌Carl的經濟能力並未達標。吳耀漢寸爆未來親家說：「佢哋等緊我個仔發達。每個媽媽都想自己個女搵到個有車有樓嘅，但有晒呢啲條件嘅話又未必會揀你個女啦！一係佢幫個女搵個好啲囉！」寸嘴之餘亦一語道出了殘酷的事實真相。

他又自言不心急要飲新抱茶：「我比較西化，呢方面隨緣。」他也大讚未來新抱好乖兼擁有中國人的傳統思想，但就未見過未來親家。至於作為父親的他可會出錢幫仔仔Carl置業？他斬釘截鐵地表示：「唔會，呢方面我同佢傾過。」言下之意即要仔仔靠自己努力，又指仔仔其實都好忙，已拍了幾部電影，只是除了《無雙》以外，其他仍未上映而已。

吳耀漢真係好撐佢仔仔Carl㗎！

平時吳嘉龍同爸爸之間嘅互動都非常多，有時仲會一齊扮鬼扮馬，睇得出佢哋真係好好感情。