《拆彈專家》耗資1.8億拍攝 劉德華穿70磅保護衣上陣熱爆
撰文：林通賢
出版：更新：
劉德華親自監製及主演，投資高達1.8億的動作片《拆彈專家》，今午於灣仔政府總部旁拍攝拆彈場面，片中演員吳卓羲(Ron)、姜皓文均有落力演出，現場更出動真實拆彈機械人。
《拆彈專家》有多場爆炸、打鬥與槍戰場面。華仔話片中主要場面在1：1搭製而成的紅隧，目前基本上只剩紅隧戲未拍。被問及天氣熱會否很辛苦，華仔指拆彈衣服達70磅，直言：「梗係熱啦！好似當年拍大隻佬咁！」
一向認真的華仔，更指此戲多數都是真實場面，因此在拍攝前上過兩堂拆彈課，包括實地觀察爆炸場面。有記者問為何劇中較少女角，華仔笑稱：「怕畀人亂寫嘛！」
Ron處男下海 遇上華仔
久未在港演出的Ron初登大銀幕，便能與華仔合作，Ron坦言好開心，仲話：「華哥（劉德華）好有耐性！」又指拍呢部戲不計酬勞。華仔聞言即笑指冇酬勞之餘，自己仲要貼錢拍，因為部戲他有份投資。