【如珠如寶】林敏驄做導演滿足私慾：可以叫張繼聰打阿Bob
撰文：吳子生
出版：更新：
由鬼才林敏驄執導豬年賀歲猛片《如珠如寶》電影，今日（9/10）一眾演員張繼聰、林盛斌、王菀之、恬妞等人在西貢片場舉行探班活動，為電影宣傳造勢。導演林敏驄表示拍攝這套賀歲片，經過精心挑選找來不同年代的演員合作。「希望一家人嚟到睇嘅時候，都會有其他家庭成員啱睇，睇完又再睇。」
阿Bob投訴被林敏驄公報私仇，在沒有替身情況下被迫跳海10多次。林敏驄坦言：「做導演好多福利，鍾意做乜就做乜，可以為所欲為，飾演一個上帝嘅角色，無中生有，其實做導演有呢度好，叫佢食屎就食屎，叫佢跳海就跳海，跳10次唔夠，再跳20次，唔夠30次都仲要跳，依家我唔使親手打佢，依家可以叫張繼聰打佢一樣咁痛，仲有呀，話我搞到佢手腳瘀晒，佢冇自知之明，叫佢做又唔識做又冇反應，你古武師咁易做呀。」