【如珠如寶】導演林敏驄公報私仇 Bob：跳咗10幾次臭湖
撰文：吳子生
出版：更新：
豬年賀歲猛片《如珠如寶》今日（9/10）在西貢片場舉行探班活動。故事講述一班黑幫「古惑仔」林盛斌（Bob)，張繼聰等人到老人院尋仇生事。Bob表示好高興大師林敏驄邀請我拍呢套戲，成個班底有張繼聰、王菀之、林敏驄之後仲會有人繼續加人，最開心可以見到兒時女神恬妞姐，我仲好似小粉絲咁同恬妞自我介紹一番，好高興同佢合作。」
講到造型今次阿Bob就要戴住個假髮演戲，望落去都同林敏驄都有幾分相似。阿Bob話：「係戲裡面導演林敏驄要我戴假髮，將佢自己個樣擺落我個頭度，成個假髮同佢一模一樣，每次整頭都要用成個鐘頭時間，根本就係公報私仇佢唔妥我，仲有之前拍動作戲，叫我親身上陣，唔俾替身我，叫我跳海跳咗10幾次，仲要個湖臭臭哋，之後又有幾次撞牆，我話可唔可以叫啲替身拍，佢話要有戲拍我大頭，搞到啲手腳都撞瘀晒。」