【跳躍生命線】劉佩玥揸車邂逅偶像　對馬神告白：你係我嘅回憶

《跳躍生命線》昨晚首播，例牌劇內演員、幕後都會相約飯敍煲劇睇首播。何廣沛、陳瀅、劉佩玥（Moon）、張曦雯（Kelly）、羅天宇等都有出席，不過就是獨欠「馬神」馬德鐘。雖然「馬神」失蹤，但「精神」依舊常伴左右。事關劉佩玥接受訪問時，嘴邊仍然時常談論著她的偶像「馬神」。

劉佩玥（Moon）接受《香港01》訪問時，可看出對「馬神」的仰慕之情，她興奮的說：「拍劇嘅時候，你會Feel到『馬神』真係唔係流㗎。佢戲內戲外都會教到你好多嘢，所以今次拍呢套劇除咗我好鍾意個角色之外，係好榮幸可以同到『馬神』合作。（『馬神』係你偶像？）其實我呢個世代嘅女仔，都係睇『馬神』嘅劇大。」

劉佩玥（Moon）又提及一次拍攝時的有趣經歷：「有一次真係好好笑，有一次去我哋外景嘅屋企拍攝，我㗎車就啱啱播《酒店風雲》嘅主題曲：『啦啦啦～受過傷懂得怎介備～』我一開窗同啲crew say Hello，『馬神』聽到呢首歌，就即刻話：『啲回憶返晒嚟』，我話：『係吖，其實你係我嘅回憶囉。』所以我同佢一齊拍戲，可以同一場仲做埋對手戲，真係好正。」