【跳躍生命線】張彥博都試過救人：而家諗起都覺得好震撼
撰文：吳子生
出版：更新：
張彥博今晚（8/10）與一眾無線劇集《跳躍生命線》演員出席觀塘舉行首播飯敍。張彥博在戲中飾演一名救護員，為了加深對救護員的職務，並安排接受為期兩星期步操訓練。彥博直言：「當時我哋喺7至8月期間接受訓練，當時天氣好熱，我哋要將啲頭髮剪到消防署要求嘅長短，在烈日當空步操，教官係真實嘅消防教官嚟，佢哋當我哋唔係演員，當我哋係新仔，會用教官好重語氣去鞭策我哋，我哋著個對鞋操到兩隻腳踭損晒。」
飾演救護員的彥博在戲內救人就救得多，原來在十多年前做救生員時，也有救人的經歷。「依加諗起都覺得好震撼，嗰陣時喺泳池值班，離遠見到有個婆婆喺泳池中間，在浮載沉，好似遇溺嘅狀態，嗰陣時自己啱啱考完牌係一名新手，嗰陣時見到咁嘅情況非常之緊張，乜嘢都冇理到即刻攞晒救生用具，衝咗落水救人，當我游到埋佢身邊，先發覺佢原來唔係遇溺，原來佢喺水底做伸展運動，真係有驚無險。」