產後點保養？　蔣怡：喺屋企敷住面膜煮飯！

蔣怡（Coco）今日（8日）出席網球公開賽慈善午宴，身型高佻的她經常被誤認做運動員，她更自爆自己差點能成為網球選手：「一啲專業嘅運動選手嚟學校揀運動員，我嗰時10歲已經好高，初初我想做排球選手，但點知個排球教練嫌我唔夠高，但係個網球教練就覺得我啱曬，身高同體型都好啱打網球！」

Coco產後仍能保持窈窕身型，她謙虛地表示：「其實我一啲都唔fit，我生完之後衣櫃嘅衫全部都唔啱著啦，完全未收到身。生完到而家都一路餵人奶，又忙住湊B，係未開始收身，又無做運動，我諗我所有嘅keep fit秘訣都係來自湊小朋友。」

對於網民大讚她產後仍保養得宜，她說：「大家俾我呢個讚美我好開心，我希望我老公都可以日日咁同我講啦！」她謙稱其實自己都沒有多做保養：「因為我好懶，同埋我又好忙，最多就係我會喺屋企敷住mask煮飯！（啲油煙唔會整到塊mask好油？）咁咪再潤啲囉！哈哈！」