王菲女李嫣CHANEL掃貨　12歲與好友同款名牌袋當書包用？

王菲雖然已經同李亞鵬離婚，但佢對女兒李嫣依然疼愛有加。近日網上流傳李嫣與朋友於名店中嘅自拍照，圖中李嫣同友人各自背着一個CHANEL腰包，據知王菲當日亦都在場，幾位女仕短短兩個鐘就已經豪使十萬，戰利品包括逾萬元手機、潮牌衛衣。那腰包為何這麼吸引呢？大家可以望以下圖輯睇睇。當中更大亮點是王菲竟然是孭住幾百蚊的背囊，但就陪愛女豪駛買名牌，認真有玩味。

而與李嫣同行嘅朋友仔，一位係汪峰同前妻葛薈婕所生嘅大女「小蘋果」汪曼熙，另一位係於上海貴族學校Wellington College就讀嘅周巴黎。14歲嘅周巴黎不時都愛在微博曬腿、曬名牌，絕對係富二代一名。雖然兩小時豪花十萬只係網民猜測，但有人就認為王菲主持一個節目收入便上千萬，花費十萬購物對她來說絕對係「節儉」；不過亦有網民認為有錢歸有錢，但身為大人，應該要教育小孩正確的價值觀。

王菲同愛女的開心時刻

周巴黎雖然得14歲，但似乎已精讀各大時裝品牌。