【再創世紀】郭晉安曾試過投資失利：咪當自己交學費

無綫劇集《再創世紀》一眾演員出席馬鞍山舉行的宣傳造勢活動。安仔10月9日生日，大會特別安排送上蛋糕為他預祝生日。安仔表示：「好驚喜佢哋送個蛋糕俾我，個蛋糕好特別，上面個圖案係錢，但佢哋又冇俾真錢我，不過佢哋到送咗隻腕錶，好精緻好時代感，我好鍾意，好多謝佢哋，正所謂時間就係金錢。」

無綫劇集《再創世紀》故事圍繞近10香港金融經濟發展作為藍本，08年「雷曼事件」，掀起全球金融海嘯，不少港人畢生積蓄化為烏有。安仔坦言：「相信好多人喺投資方面，都有試過輸錢，咪當交吓學費，其實我自己都試過投資失利過，好在當時我又唔係訓哂身落吓買，所以損失嘅金額唔多，不過經過歷練後，自己喺投資方面都會好小心，我會將十分一嘅資金攞去做投資，所以輸贏對我唔會有太大嘅影響。」