楊洛婷成最高價司儀全靠TVB 　「唔可以話貴，係物超所值」

楊洛婷（Rebeea）今日（3日）出席好朋友的髮型店鋪開張，Rebeea說到她做司儀時候髮型也很重要：「如果冇我髮型師，我都唔會有咁靚嘅髮型，每次岀show大家都唔係問我化妝先，每次都會問我嗰頭好靚，邊到幫我整㗎，所以我好開心佢開髮型店。」但女生髮型百變，Rebeea最愛是什麼造型？「女生其實乜類型髮型都唔緊要，最重要係襯到當日活動、工作及衣著，所以髮型師真係好重要，作會為你諗埋設計方面。」

最近網上網民說到Rebeea是「最靚媽媽」之一，Rebeea聽到後也受寵若驚，「咁多網民讚我，咁有人讚當然要認同，多謝網友先，好開心，完全冇諗過呢一方面，因為始終要保持自己形象，同埋女生一定唔可以偷懶，要保養。」問到Rebeea生完小孩後，怎樣照顧小孩同時又可以保養？Rebeea分享除了要喝湯水之外還做了紮肚：「我紮肚係幫助我復原好快，除咗瘦身之外仲幫我內臟移好位，紮番好身型，不過我都做咗好多保健，加上有好嘅陪月。」

Rebeea自從離開TVB後一直主力司儀工作，大大小小活動中也見到她的身影，因此被傳出成為最高價司儀，對於這點Rebeea笑言：「邊個話我收得最貴呀，我係好實用㗎，唔可以話最貴，物超所值好緊要，你（記者）咁講我有啲驚喜，但我覺得最重要係客戶滿意，佢哋畀得錢我，我自己都畀到功課佢哋，我都算好勤力㗎，晚晚囡囡瞓咗，我都好努力睇稿準備㗎。」Rebeea說到全因以前在TVB十年經驗，認識了很多客戶，交流得多了，已經和客戶成為好朋友，所以很多朋友也介紹工作給她。