【蝕日風暴】薜凱琪在台上突然仆親　張智霖用力恥笑：俾佢激死！

張智霖、薛凱琪及梁漢文等今日（3日）在一間酒店出席網絡劇《蝕日風暴》造勢大會。一班演員在台上傾偈講笑時，薛凱琪竟突然疑被人絆倒而仆在台上！事後，薛凱琪不停喪笑，而連忙扶起她的張智霖亦不忘恥笑對方。對此，張智霖接受訪問時便笑言被薛凱琪激死：「佢好好笑，係一個好有趣嘅人，拍攝期間佢都好有趣。今次係同佢第一次合作，都係好難忘嘅旅程，其實拍攝完畢後我哋大家都會定期聚會。」

點解下圖觀看薛凱琪仆倒情況：

提到《蝕日風暴》自開播以來網上點擊率已超越一億，問結果是否張智霖意料之外？他說：「完全係觀眾嘅支持，希望佢哋睇得開心。」他又笑指拍劇時候還以為可以做一些高級警官，可以將打打殺殺的戲份交給下屬，怎知道也全部要他完成。問會否覺得辛苦？他說：「當然唔辛苦，趁住而家仲打得當然要拍，拍完發現自己體能都唔差，仲好靈活。」

談到張智霖早前與家人到非洲旅行，問為何會選攝這個目的地，他說：「因為同小朋友一起去，我覺得佢好幸福，因為可以喺年紀小時候去到呢啲地方，又可以望到世界唔同嘅面貌，不過亦要打防預針，所以大家帶小朋友去都要諗下。」