為歌迷棄唱Beyond金曲　黃明志：佢哋鐘意聽粗口歌

馬來西亞歌手黃明志為巡迴演唱會香港站舉行記者會，距離上次來港開演唱會已經是三年前的事，被問到有哪款香港美食令他最懷念，他激動地說：「我最懷念嘅美食一定係車仔麵，一定係！」三年間明志也從90公斤減到60公斤，直言怕香港歌迷認不出他：「我病咗入咗醫院，我個胃潰瘍，所以好多嘢唔食得，瘦咗30公斤。」

合唱歌《漂向北方》可謂是歌迷們最聽待的環節，明志稱尋找哪位與他合唱最令他「頭痕」：「我呢次嚟呢度第二個任務就係問吓打吓電話畀啲朋友嘅朋友睇吓邊一個得閒嚟幫我唱！」上年與G.E.M. （鄧紫棋）合唱《漂向北方》的影片反應非常熱烈，會否邀請她到演唱會再次合唱？「呢次佢好似唔喺香港囉，所以應該佢喺大陸，佢應該好忙，呢次應該請唔到。」

被問到最想與哪位本地歌手合作，他更指名道姓最想跟盧巧音合作！「因為佢係rocker，好有性格，同一般嘅女歌手有啲唔同，我希望有一日可以同佢合作做音樂。」

香港站當然少不了廣東歌，明志笑言自己歌迷中大部份都是男粉絲，所以他指比起傳統廣東歌，他們應該更喜歡《學廣東話》這類「粗口歌」！記者會上更播出家燕姐向明志「挑機」跳十字步的影片，明志大方接下戰書：「十字步一定要學嘅，因為聽講係香港最潮㗎嘛，而家最hit㗎嘛！」