胡諾言撇甩老婆仔女去滑水：玩完即刻要交人
撰文：吳子生
出版：更新：
胡諾言出席灣手舉行的汽車品牌發佈會。胡仔透露自己考車牌「肥佬」，試過兩次先成功。「以前老豆教落，考車牌梗係要考棍波輕型貨車，如果合格同時可以有埋私家車牌，好記得自己考路試時，冇擰住頭望盲點，就咁「肥咗佬」。
臨近萬聖節，早前太太陳琪就帶住三個仔女去了主題公園玩，就不見老公胡諾言同行，當日胡仔疑似去了滑水。胡仔直言：「其實大家睇到啲相，時間上我好似去咗滑水，之後我都有去主題樂園搵佢哋，點解會去咗滑水，因為wake surfing好流行，咁啲好兄弟就叫我去試下，咁自己都好耐冇玩過，都玩咗幾個鐘，咁玩完梗係即刻交人湊返啲小朋友啦，都知道太太一個人湊住啲小朋友都辛苦。」