鄧麗欣容光煥發睇騷 鍾意透視系列增添女人味
撰文：蘇國豪
出版：更新：
2019米蘭時裝周吸引唔少兩岸三地紅星參加，更多了唔少新臉孔出席。其中之一就有香港代表鄧麗欣（Stephy），據知她此行是工作寓拍拖，同台灣男友王子首次歐遊，難怪如此容光煥發喇！近日，她出席品牌VALENTION睇騷，一身絲質套裝顯得高貴大方，展現更多的女人味仲話自己好愛透視系列添，難怪人哋話戀愛的女人特別自信同靚，一洗以往鄰家女孩感覺給人耳目一新。
今次Stephy身穿一身絲質套裝，設計上兩邊開叉猶如中國式的短旗袍，輕鬆之餘有型格成個人睇起上嚟成熟唔少，擦上暗紅色唇膏更帶點女人味，狀態大勇的她愈發自信，這或許就是愛情的魔力吧！
難得第一次參加國際時尚活動，Stephy都好開心：「好鍾意個騷，成個場地好有田園感覺，每一件服裝都好有獨特的氣質，都是我好鍾意的剪裁同布料，特別係紗的裙同透視系列。現場有好多香港朋友同KOL我自己都有Follow，好榮幸被邀請成為一分子，現場星光熠熠好開心。」