盛傳郭富城將再做爸爸　城嫂方媛自揭體重創新低想闢謠？

懷孕時又或者生完BB，好多時會身材走樣肥腫難分，但為咗BB健康又唔敢節食減肥，真係做人媽媽甚艱難呀。方媛Moka 2017年下嫁郭富城，同年9月囡囡Chantelle出世，最近仲傳Moka懷有第2胎，但佢嘅體重居然創下新低點，令人羨慕嘅同時亦不禁擔心其健康。

上月一張Moka同朋友嘅合照流出，相片中一向瘦削嘅Moka腹部微隆，即時瘋傳懷有第2胎嘅消息。城城早前出席回動時淨係話：「暫時不可以說太多。」而Moka就喺30號晚上載2張新相，一張係坐喺車內嘅自拍照，留意寫上：「瘦出新高度」，望望另一張體重磅顯示嘅磅數，39.1KG﹗咁咪得86磅左右？

睇返資料Moka身高大約162cm，如果體重係39.1KG，即係BMI只有14.8，屬於體重過輕，加上盛傳佢懷孕，網友不禁擔心問佢係咪孕吐嚴重令體重下降。雖然方媛依舊無回應陀B消息，但佢喺1號早上就回復網友話：「其實健康氣色好才是最重要，所以大家不要像我這樣瘦，我也會很快胖回來。」