黃文意升呢老闆娘搞護膚品生意　報讀港大碩士做埋才女

TVB女藝人黃文意（Mandy），近日榮升老闆娘，同朋友夾份投資六位數搞護膚品生意，已經開到第三間分店，早前在銅鑼灣分店舉行開幕活動，不少藝人朋友到場支持，包李綺雯、黃建東、方紹聰、董嘉儀、阮嘉敏、陳華鑫、利穎怡。Mandy話呢間舖落足本裝修，雄心壯志的她，仲希望幾個月後會再開分店。

Mandy雖然開始從商，但都無放棄演藝事業，目前手頭上有兩部劇集。除了生意和演戲，Mandy 早前更回歸校園，報讀香港大學文學與文化碩士課程。Mandy一有時間就會落舖幫手，亦會幫手招呼客人，冇客人時就喺舖頭做功課同溫書。