麥美恩獲碧咸親邀合照開心到面紅紅：好似發夢一樣！

麥美恩（Mayanne）昨日（27日）出席護膚品品牌開幕派對。Mayanne表示自己雖然平時好像粗粗魯魯，但身為女仔都很注重保養：「細細個已經好重視自己對眼，話晒都係靈魂之窗，大家見到我冇乜眼紋，我中學嘅時候已經食好清，同埋好識得搽eyecream（眼霜）！」Mayanne指今天能夠沒有眼紋及眼袋全因貪靚的媽媽：「我媽咪喺我細細個教我點樣去按摩啦，點樣打圈啦，令到而家啲眼紋同眼袋keep得好好嘅。」

Mayanne笑指小時候沒有太多錢購買護膚品，都會用天然的食材自製面膜：「蛋白我會敷面啦，會又白又滑。另外我會用麥皮敷面，都係一個幾好嘅方法嚟嘅。」她認為保養需要內外兼備，除了外敷，飲食盡量保持清淡也很重要。

早前Mayanne在社交網站上載與萬人迷碧咸在香港出席活動時的合照，她笑指做司儀最好的得著就是能公器私用，但是能跟碧咸合照真是意料之外：「其實我係本來係冇機會可以影相，影完晒所有客戶嘅相之後，我諗住講拜拜唔該晒碧咸咁，點知佢專登問我『Would you like to have a photograph as well（你想不想也跟我合照）？』我簡直面都紅晒！（有人叫你hands off （放手）喎！）嗰個係咪黃心穎啊？黃心穎梗係叫碧咸小心啲啦！因為可能驚我會攻擊佢！哈哈！」