【延禧攻略】JW中晒劇毒　自稱有愛新覺羅血統：我可能係格格！

大陸劇《延禧攻略》雖然在內地一早已經播完，不過所掀起的熱潮依然強勁，無綫仍在熱播中，而本港娛樂圈中不少藝人都是該劇的粉絲，中晒劇毒，JW (王灝兒) 就是其中一個。昨日JW出席活動時，就透露晚晚都有追看該劇，笑言：「避劇透避得好辛苦！」而她最喜歡的劇中角色就是宮女明玉，大讚：「佢真係好好㗎。」

JW又話好想拍古裝劇，試下着上靚靚的中國宮廷服裝，仲自爆自己有愛新覺羅正白旗的血統，她說：「我發現我哋個家族應該係有呢個皇族血統，係愛新覺羅正白旗，因為屋企有張太太太太太公嗰啲官服相，我哋過年拜祖先嗰時都會拎返出嚟，睇番個族譜，我可能係格格嚟㗎。」JW自言如果生於古代皇族，置身宮廷的她一定不夠其他妃子鬥。