張雨綺持刀傷老公袁巴元　性格火爆傳曾掌摑汪小菲

星女郎張雨綺出道以來不時是非纏身，性格火爆，曾經腳踢前夫王全安嘅車門，又被爆料指曾掌摑前男友汪小菲。呢日傳出網上佢喺中秋節當晚，同老公袁巴元發生衝突，有指張雨綺攞生果刀割傷老公背部，公安接報到場，將事件列作家庭糾紛處理！

微博近日瘋傳一張派出所報案紀錄截圖，指44歲嘅袁巴元於中秋節（24號）晚上10點報案，指同太太張雨綺因家庭瑣事產生爭執，過程中遭到張雨綺持水果刀劃傷背部。當時民警到場調解糾紛，警方確認張雨綺夫婦衝突，網上瘋傳嘅截圖亦係真嘅，但對於袁巴元指控張雨綺持刀傷人說法，張雨綺否認，而民警也確實未發現刀具，目前正在進行調解中。

張雨綺2011年於西安與導演王全安結婚，但王全安於2014年因爆出嫖妓被捕，二人翌年離婚。事隔1年多，張雨綺於微博宣佈，下嫁拍拖2個月嘅富商袁巴元，2017年10月誕下龍鳳胎。不過佢嘅婚姻生活似乎未見順遂，曾經被爆因老公欠下千萬賭債，導致在懷孕期間被債主搵上門，宜家又發生持刀傷人一事，實在令人擔心。