馬國明教人去鬼屋追女仔　麥明詩學有所成：我可以撒嬌！

羅蘭、馬國明與麥明詩（Louisa）今日（26日）為主題公園萬聖節揭幕禮擔任嘉賓。Louisa更是首次與羅蘭姐合作拍攝萬聖節電視廣告，她自嘲自己經常面無表情，所以非常切合AI這個機械人角色。

馬明表示自己是鬼片狂熱者，很喜歡那種突然被嚇一嚇的刺激感覺，所以人都比較大膽，也喜歡玩鬼屋。他更戀愛大師上身，提醒各位男士要把握機會，與女性玩鬼屋時好好表現自己man的一面：「係男仔最好嘅一個蹺嚟，會令到個女仔感動，又覺得你會保護到佢，跟住又會對你有少少好感。」如此厲害的貼士，馬明自己又有沒有帶過女友黃心穎去鬼屋？「呢個又真係未試過，其實我由細到大都成日想試吓帶女仔去鬼屋，或者睇鬼片，但係一路都未實行過！」

Louisa表示對玩鬼屋時反而能顯示女性柔弱一面：「我覺得鬼屋嗰啲好work，因為我可以撒嬌！因為我本身個人比較不懂撒嬌，因為我身邊啲男仔成日覺得佢好似同緊一個男人拍拖，咁所以喺呢啲情況可以remind佢其實我係一個女仔。」她更自爆曾經與男性看恐怖電影時被對方感動過：「我驚到要掩住隻眼，跟住佢話畀我聽『無嘢！可以睇返啦！』感到有啲touched（感動）嘅。」

去年馬明試過奇幻鬼怪題材的《降魔的》，被問到將來會不會挑戰些靈異類型的題材，他表示：「都想嘅，我鍾意拍啲得意啲或者另類啲嘢，即係唔駛下下都又喺度爭家產嗰啲題材。」Louisa則表示如果能拍鬼怪類型的題材更加能夠促進自己的想像力，作為演員，演技也會有所提升。