張韶涵自備腋下散熱器上節目　網民：得罪造型師

明星出場要令人有驚艷的感覺，造型師功不可沒，但近年不時都會出現「得罪造型師」一詞，去形容藝人打扮失手，女神秒變大媽真係話咁易。而最近得罪造型師嘅，一定要數到張韶涵，日前佢現身內地綜藝節目《這就是對唱》時，白色高領上衣理應唔會點出事，但奇在肩膊位有兩個同電腦散熱風扇非常相似嘅物體。儘管當時台上J Sheon同徐文洁唱得非常動聽，但網民嘅目光已經完全移到張韶涵……肩膊上，除笑問呢個設計係未散熱用之外，亦指造型似檸檬乾，但綜合大家的觀點，都認為張韶涵得罪造型師。