【開心速遞】傻強今晚變靚仔　馮奕森唔再做丑角真面目示人

無綫處境劇《愛．回家之開心速遞》入面的傻強 (馮奕森飾) 一角，人如其名走傻傻更更的路線，可以算是一個搞笑的丑角，戇直的造型當然一點也不靚仔啦。不過其實現實世界中的傻強，即是馮奕森，卻原來是靚仔一名，輪廓五官絕對不比同劇的周嘉洛又或是吳偉豪差的。

今晚播出的一集就會講傻強可以有幾靚仔，於預告片中見到傻強不再是之前那個戴住眼鏡的四眼仔，除下眼鏡的他轉look走青靚白淨路線，靚仔樣終於驚現於鏡頭前！在劇中做開『下把』的傻強，次次出場都要醜住樣咁示人，內心陰影面積一定好大，今次一於來個大變身，向住型英帥靚正的目標進發，仲成功吸引了不少女同學埋身跟他玩selfie。