利嘉兒44歲高齡誕7.2磅B女 「估唔到我咁細粒生個咁墜手嘅BB」
撰文：張嘉敏
出版：更新：
現年44歲的利嘉兒 (Lily) 同製衣商人老公Bong結婚8年，兩人由最初無諗住生B，到年前突然好想要小朋友便積極計劃，不過卻遲遲未有喜訊。直至今年Lily終於宣布成功陀B，努力了多年終於得償所願。於本月19日在舊山頂道嘉諾撒醫院順利誕下女兒，母女平安，囡囡重7.2磅，中文名取名劉書雅，英文名則是Karyssa，且趕及於中秋前出院，於家中慶祝首個一家三口的中秋佳節。
Lily表示：「BB都幾肥美㗎，我啲屋企人都話無諗到我咁細粒，會生到個咁墜手嘅BB出嚟囉，佢都幾多肉㗎，肥嘟嘟咁樣。佢健康情況好好，食得瞓得，又成日偷笑，係個開心BB嚟。佢人生可以快樂同健康係最重要嘅。」