兒子首度叫Daddy勁感動 張達倫：原來係一場誤會！
撰文：吳子生
出版：更新：
張達倫一家三口，今日（22/9）撐場出席好友李霖恩在尖沙咀醫學美容新店開幕。達倫笑說：「今日首次帶同11個月大嘅囝囝及老婆到場支持，就睇得出我哋幾有誠意，日後要保持個靚樣，一家人就靠李霖恩啦，剛才有醒獅隊助慶啲鑼鼓聲咁嘈，諗住囝囝會驚，佢竟然又冇喎，真係好乖。」
大忙人張達倫又要為新劇集《黃金有罪》開工，照顧囝囝的重任就交給太太。「囝囝下個月一歲生日，就算幾忙都要同佢慶祝，一定唔可以錯過，依家佢仲學緊講嘢，試過有次我去日本做嘢，返嚟嘅時候佢指住我講Daddy，後尾我發現佢原來對住乜嘢都叫Daddy。」旁邊太太Kimmy笑話：「其實囝囝知到佢係Daddy，不過全部嘢都叫Daddy，之後我就叫佢叫媽咪，佢就特登唔叫，擰轉塊面喺度偷笑，佢真係好鬼馬。」