林作否認天生花弗　曾忍受女友連環偷食：我永遠係最難受嘅一方

林作與同門師妹黃意雅日前為合唱歌《最簡單情歌》拍MV，二人除了有感情戲外，林作更為這部處男MV犧牲色相，拍攝淋浴畫面。林作更直言：「我冇刻意做Gym，我好討厭健身同操到好大隻。我覺得呢個係現代人嘅誤解，真正吸引人應該係內涵同思維，而唔係對波有幾大。」

這次新歌內容講述分手，「花弗」形象深人民心的林作就透露自己亦曾飽受情傷。他稱：「嗱，講明先大家唔好對號入座！嗰陣我喺英國讀書嘅時候，20歲左右，我同過一個大我兩年嘅女仔拍拖，一齊咗兩年幾。當時佢突然提出過分手，但我依然管接管送，想努力箍煲！但有一日，我喺朋友口中得知，原來佢一早已經有第二個。（即係出軌？）係呀，而且唔係第一次，而係分別同唔同嘅男仔一齊，係多次出軌。（出軌對象係香港人定外國人？）咩人都有。（係咪你識嘅人？）佢以為我唔識囉，其實點會唔識。」

失戀次數絕對不少的林作更表示：「其實比起追女仔，我更加似『失戀專家』。因為過往嘅戀情，我覺得自己先係最難受的一方。所以，我睇過唔少關於分手嘅書，嘗試喺科學、生理同心理去治療自己嘅情傷。我覺得最有效嘅方法，一定要同對方斷絕來往，拒絕復合，呢個係唯一走出傷痛的方法。（做唔返朋友？）絕對係。」