傳淡出幕前做律師 朱千雪：暫時嚟講我仲係會繼續喺幕前

朱千雪今日（22日）出席以卡通人物為主題的商場揭幕禮。千雪表示家中的毛公仔全都陪伴她長大，有很深厚的感情，所以當初搬回香港時都堅持要把它們帶回來，更會經常買BB衣服給它們悉心打扮。千雪指自己有一個心願一直未能實現感到可惜：「我成日都想要一個人咁大嘅啤啤熊公仔，但佢（媽咪）成日都話『你屋企好大咩，擺喺度封塵，唔買』。」

中秋將至，千雪會不會買個啤啤燈籠應節？千雪回道：「我反而鐘意紙嗰啲點蠟燭嗰啲（燈籠），我覺得幾靚。係而家大個咗都少啲機會賞月啦，所以我都係食月餅多。（唔驚食得多會肥膩？）其實我一年其他嗰364日都係keep緊嘅，但係大家每次都係話『咦又肥咗喎』所以我覺得唔關月餅事，所以今年決定都係要食月餅啦！」

傳千雪有意淡出幕出轉行走上律師之路，她向大家大派定心丸：「暫時嚟講我仲係會繼續喺幕前或者喺電視見到大家嘅，又或者係活動度見到大家嘅。（律師樓有無已經預留咗個位畀你？）我未qualified（合格）所以係無資格叫人預留位嘅，但係到我真係有個牌又有人考慮收我做徒弟，我都會好感激。」