【再創世紀】湯洛雯為減肥大熱天時穿衛衣：煥然一新嘅感覺

湯洛雯今日（20日）穿著一身長袖衛衣出席劇集《再創世紀》的宣傳活動，大熱天時穿著衛衣的靚湯不會覺得辛苦嗎？靚湯解說：「其實前兩日打風就涼咗一陣，我就畀佢呃咗，所以我就著咗長袖衛衣，加上最近我瘦緊身，我想大家有煥然一新嘅感覺，未去到最Fit我都唔想show畀人睇，但去到最Fit時候可能又已經冬天，又show唔到畀大家睇。」問到現在開始有成果了嗎？靚湯笑言進展良好：「其實因為之前食得太過份，加上我想自己健康啲。」
 

靚湯最近因要瘦身，所以推掉了不少飯局而宅在家中，「我媽最近成日問我，乜你又係屋企呀，點解你又係屋企嘅，反而我媽岀街仲多過我，變咗成日都係我打電話畀佢問佢幾時番屋企。」

而今日她到社區中心除了宣傅《再創世紀》之外更現場和一眾老友記大玩中秋節遊戲。問到靚湯中秋節怎樣渡過，她笑言：「從小就是圍村長大，所以每年都番去圍村渡過，因為會舉辦嘉年華。」說到中秋節這個節日當然少不了賞月，而賞月當然身旁的人很重要，「我都認為係呀，呢啲節日陪屋企人好開心，我覺得中秋節係for家人。」靚湯直言沒有男生相約她在中秋佳節外出，「點會約中秋節，真係冇呀，何況我咁鍾意喺屋企。」