【再創世紀】周勵淇參考特首　學林鄭演女強人：係深藏不露嘅

周勵淇 (Niki) 於無綫劇《再創世紀》中飾演卓定垚一角，由最初頭幾集所演的少女脫變成金融界女強人，Niki坦言兩個階段都好有挑戰性。她說：「非常之難演，一開始係天真無邪嘅有錢女，自己經歷咗好多嘢，要演返一個入世未深嘅女仔個反差好大，佢要係無咩表情，一啲唔似做緊戲咁，要keep住一個呆樣。」

至於演女強人方面，Niki就話自己有模仿現任特首林鄭月娥，她說：「導演叫我參考吓香港嘅女特首，所以我都有參考特首林鄭月娥，睇下佢啲表情動作同講嘢時嘅語氣神態，結果發現都係無咩表情嘅，唔會將真實嘅情感流露出嚟，而係深藏不露嘅，聽完佢講嘢都唔會知佢其實諗緊啲咩。除咗佢，我仲參考咗好多高官，都係差唔多。」

Niki話其實她好想演郭晉安的角色：「安仔個角色好好玩，好多表情動作，我自己個角色好抑壓，係一個唔開心同悲慘嘅角色，就好似一隻小白兔而周圍出現咗好多狼，我就要披狼皮嚟面對佢哋咁。呢個角色同真實嘅自己一啲都唔似，所以我係拍到有少少崩潰，喺深圳拍咗成3個月要不斷食嘢嚟減壓，食到肥咗要畀導演提我注意吓。」

攝：梁碧玲

髮型：Debby@Hair

化妝：Navi Lam

服裝：soeur from rue Madame

場地：FUMI

睇下Niki啲劇照啦。