【颱風山竹】馮盈盈慘豬要返TVB拍《解決師》：應該要游水返去

「山竹」颱風之下，全香港大部份人都應該是留在家中過日子，不過仍然有不少人正在上班工作中，包括大廈保安、警察、消防員、救護人員、醫生護士等等（仲有記者）。除了以上所說的，其實演藝人在這個時候仍然拼搏當中。

馮盈盈接受《香港01》訪問時，被問到現時情況時，她就拍了一張照片，並說：「舊衣回收箱吹咗出街。」看來馮盈盈所處地點都頗受影響。而問及馮盈盈現時在家中的活動時，她笑說：「睇劇本、煲劇、進修演技，因為今晚11點仲要番TVB開劇呀。」原來今晚還有新劇《解決師》的拍攝工作。馮盈盈亦補充說：「8點前落8號風球，就復工繼續拍，8點後仲係8號風球就全日取消。」還好，她不需要在10號風球下返TVB。

之不過，到底馮盈盈會用哪種方法返工呢？她就反問：「距離8點仲有5個鐘，不如大家競猜下我今晚洗唔洗番工？同埋點番工？（不如叫你男朋友車你返工？）睇情況啦，應該係游水番去。」原來將軍澳路面因為風球而路面水浸。睇嚟呢次馮盈盈真係頭痕，唔知到時佢會點樣返工呢？