【後生仔傾吓偈】被陸浩明指暗黑　麥明詩：本身係我教壞馮盈盈

最新一集《後生仔傾吓偈》以「陰影往事大掃除」為題，一眾KOL、三位主持馮盈盈、麥明詩同六號都交出好多貨，當中FYY就提到曾經試過同Martin寶寶吵架的經歷，由於男友喜歡面對面咁解決問題，結果二人在車上面對面將跟八小時之久。不過，更嚴峻嘅係FYY之後要出席記者會同喺紅館表演跳舞，佢話諗返都經典，但亦覺得上咗好寶貴嘅一課，從此吵架都會睇時間。
 

六號之後提出「你最想清除的女主持」要一眾KOL投票，結果FYY以大比數「勝出」，主要都係話佢講嘢太震撼性，令一眾KOL太難跟上流程。至於得兩票嘅麥明詩，係因為KOL覺得節目改變咗其他人對麥明詩的觀感，認為佢可以做啲學術性節目主持。不過，講到「學術性」、「10A」呢啲字眼時，麥明詩就似為幾唔認同。「有人話我講嘢抄馮盈盈，我覺得好無辜，本身係我教壞佢架。」即係話充滿黃色底子嘅並非FYY？六號補充表示：「如果講暗黑度，麥明詩又真係黑啲。」麥明詩話自己向來都唔係走斯文路線，大家對佢有此錯覺，相信係因為同「港姐」形象有關。之後到FYY呻：「啲人話我哋言論好爆，但而家又話over晒、好cheap咁，其實我想講第一集就已經係咁，之不過依家大家對我哋關注度多咗，我哋唔係博上報，我哋好被動，我哋真係無比錢買打手架。」